—– • —– • —– • —– • —– • —– • —–
wps : اختصار لـ Wi-Fi secure Setup .. وهي تقنية بتعتمد ع الدخول للشبكة بدون معرفة كلمة المرور للشبكة ..
طبعاً هالشي بيتطلب وجود رقم معك هو رقم الـ pin .. واللي هو عبارة عن رقم مؤلف من 8 خانات مرتبط بتقنية الـ wps وهو اللي بأمن الدخول للشبكة ..
wep – wpa – wpa2 : أساليب حماية وتشفير للشبكة .. وترتيبهم بالقوة : wep ثم wpa ثم wpa2 الأقوى واللي منحمي شبكتنا من خلالو ..
( للعلم : الشبكات المحمية بتشفير wep يسهل اختراقها ) .. وعند اختيار wpa2 منختار non-public ..
MAC handle : هو العنوان الفيزيائي لكل جهاز أو قطعة .. بيجي من الشركة المصنعة للقطعة ومابيتكرر ( يعني مافي جهازين لهم نفس الماك ) ..
وهلأ رح ابلش بالنصائح اللي لازم يتبعها الشخص لتوفير الحماية لشبكتو :
—– • —– • —– • —– • —– • —– • ———- • —– • —–
1 – أغلب أجهزة الراوتر بتدعم الـ wps .. ولتوفير الحماية لازم نعطل هالميزة .. بالدخول لإعدادات الراوتر واللي افتراضياً بتكون 192.168.1.1
( مو ضروري تكون هيك ) .. ومنبحث ع خيار wps , منفوت ع خيار wi-fi منلاقي خيار wps منختار تعطيل Disable وبعدا منعمل save ..
2 – بعد هالعملية يفضّل عمل Filter Mac deal with بإعدادات الراوتر .. لشو هالحركة ؟؟
متل مابتعرفوا انو أي جهاز ( سواء كان موبايل أو كمبيوتر ) فينو يتصل ع شبكتنا في حال معو كلمة سر .. لكن وقت منعمل هالخيار مو أي جهاز بصير
بفوت ع الشبكة .. فقط الأجهزة المسموحة بإنها تفوت ع الشبكة .. والسماحية بتصير عن طريق عنوان الـ MAC handle .. يعني فينا نقول
انو عنوان الـ MAC هو تأشيرة دخول للجهاز ليشتغل ع الشبكة .. وكيف بصير هالشي ؟؟ بعد ما مناخد عنوان الـ MAC للجهاز اللي بدنا
نسمحلو يتصل بشبكتنا .. منوضع العنوان بخيار الـ MAC بإعدادات الراوتر .. ومنضغط practice مشان تتم إضافة الجهاز للشبكة ويتصل ..
3 – إخفاء شبكة الـ Wi-Fi , وبهالحركة شبكتك مابتظهر أبداً .. ولا كأن في شبكة .. وبهالحالة إذا بدك تتصل بشبكتك بدك تدخل الشبكة يدوياً , يعني
اسم الشبكة والباسوورد ( طبعاً هالحركة بس أول مرة بعدين بيتصل تلقائي لان بتكون الشبكة انحفظت ..
وكيفية الإخفاء , عن طريق تعطيل خيار Broadcast SSID بإعدادات الراوتر ..
4 – تغيير اسم وباسوورد صفحة إعدادات الراوتر .. واللي بالعادة بتكون Admin للاسم وللباسوورد ..
5 – وضع كلمة سر قوية مؤلفة من أحرف وأرقام و رموز ..
إرسال تعليق